રાષ્ટ્રીય મતદાતા દિવસ
ભારત સરકાર દ્રારા
વધુને વધુ યુવા મતદારોને મતદાન વિષયે જાગૃત કરવા, પ્રોત્સાહિત
કરવા અને મતદાનની રાજકીય પ્રણાલીમાં જોડવાના ઉદ્દેશથી દર વર્ષના ૨૫ જાન્યુઆરીના
દિવસને રાષ્ટ્રીય મતદાતા દિવસ (National
Voters' Day) તરીકે મનાવવામાં આવે છે. આ ઉજવણીની શરૂઆત ૨૫ જાન્યુઆરી, ૨૦૧૧થી
કરવામાં આવી છે. તારીખ ૨૫ જાન્યુઆરી ચૂંટણી પંચનો સ્થાપના દિવસ છે.
શા માટે મનાવવામાં આવે છે મતદાર દિવસ,
જાણો શું છે તેનો હેતુ?
ચૂંટણી પંચના ૬૧મા સ્થાપના દિવસે ૨૫જાન્યુઆરી ૨૦૧૧ના રોજ તત્કાલિન રાષ્ટ્રપતિ
પ્રતિભા પાટીલ દ્રારા રાષ્ટ્રીય મતદાતા દિવસની શરૂઆત કરવામાં આવી હતી.ઉજવણીનું સૌથી
મોટું કારણ લોકોને મત અંગે જાગૃત કરવાનું છે. આ ઉપરાંત ભારતના ચૂંટણી પંચનો (Election Commission of India) મુખ્ય
ઉદ્દેશ્ય દેશના તમામ મતદાન મથક વિસ્તારોમાં દર વર્ષે 1
જાન્યુઆરીએ 18 વર્ષની વયે પહોંચેલા તમામ પાત્ર મતદારોની ઓળખ કરવાનો હતો.
કોઈપણ લોકશાહી દેશમાં સરકાર રચવામાં મતદારો સૌથી મોટી અને સૌથી મહત્વપૂર્ણ ભૂમિકા ભજવે
છે. મતદારો પોતાના અમૂલ્ય મતથી કોઈપણ પક્ષ કે પક્ષને પાંચ વર્ષ માટે સત્તા પર લાવે
છે. આમ કરીને મતદારો દેશ અને રાજ્યના વિકાસ માટે જાગૃત નાગરિક તરીકેની ફરજ નિભાવે
છે. ભારતમાં મતદાનને લઈને લોકોના ઘટી રહેલા વલણને જોતા મતદાન દિવસની શરૂઆત કરવામાં
આવી હતી.
વિશ્વના સૌથી મોટા લોકતંત્ર ભારતમાં મતદાન સંબંધિત ઘટી રહેલા વલણને ધ્યાનમાં
રાખીને ચૂંટણી પંચે રાષ્ટ્રીય મતદાતા દિવસની ઉજવણી કરવાનો નિર્ણય લીધો હતો. મતદાર
યાદીમાં નોંધણી એ એક સ્વૈચ્છિક પ્રક્રિયા છે.
